ನಿಮ್ಮ ಚಡಪಡಿಕೆ ನಿಮಗೆ ಏನು ಹೇಳುತ್ತಿದೆ

ಹೊರಗಿನಿಂದ ನೋಡಿದರೆ, ನಿಮ್ಮ ಜೀವನ ಚೆನ್ನಾಗಿಯೇ ಕಾಣಬಹುದು. ತುಂಬಾ ಚೆನ್ನಾಗಿಯೇ, ಬಹುಶಃ. ಆದರೂ ನಿಮಗೆ ಸರಿಯಾಗಿ ವಿವರಿಸಲಾಗದ ಒಂದು ಚಡಪಡಿಕೆ ಇದೆ — ಭಾನುವಾರ ಸಂಜೆಯೋ, ಕೆಲಸಕ್ಕೆ ಹೋಗುವ ಮೊದಲು ಕಾರ್ ಪಾರ್ಕಿಂಗ್‌ನಲ್ಲೋ, ಏನೋ ಕೊರತೆಯಿದೆ ಎಂಬ ಭಾವನೆ.

ನಾನು ಜೊತೆಯಾಗಿ ಕೆಲಸ ಮಾಡುವ ಮಹಿಳೆಯರಲ್ಲಿ ಅನೇಕರಿಗೆ ಇದರ ಬಗ್ಗೆ ಅಪರಾಧಿ ಭಾವ ಕಾಡುತ್ತದೆ. ನಾನು ಕೃತಜ್ಞಳಾಗಿರಬೇಕು. ಬೇರೆಯವರಿಗೆ ನಿಜವಾದ ಸಮಸ್ಯೆಗಳಿವೆ.

ಇದನ್ನು ನೋಡುವ ಇನ್ನೊಂದು ದೃಷ್ಟಿಕೋನವನ್ನು ನಿಮ್ಮ ಮುಂದಿಡಲು ಬಯಸುತ್ತೇನೆ.

ಚಡಪಡಿಕೆ ಎಂದರೆ ಕೃತಘ್ನತೆಯಲ್ಲ

ನಿಮ್ಮ ಜೀವನಕ್ಕಾಗಿ ಕೃತಜ್ಞರಾಗಿದ್ದುಕೊಂಡೇ, ಅದರ ಕೆಲವು ಭಾಗಗಳನ್ನು ಮೀರಿ ನೀವು ಬೆಳೆಯುತ್ತಿರಬಹುದು. ಎರಡೂ ಒಟ್ಟಿಗೇ ನಿಜ. ಕುಂಡದ ತುಂಬಾ ಬೇರು ಹರಡಿಕೊಂಡ ಗಿಡ, ಆ ಕುಂಡಕ್ಕೆ ಕೃತಘ್ನವಲ್ಲ.

ನೆಮ್ಮದಿಯಿಲ್ಲದ ಆ ಭಾವನೆ, ನಿಮ್ಮ ಕನಸು ನಿಮ್ಮ ಗಮನ ಸೆಳೆಯಲು ಪ್ರಯತ್ನಿಸುತ್ತಿದೆ ಎಂಬುದರ ಮೊದಲ ಸೂಚನೆಯಾಗಿರುತ್ತದೆ, ಅನೇಕ ಬಾರಿ. ಅದಕ್ಕೆ ಬೇಕಾಗಿರುವುದು ಕುತೂಹಲ, ನಾಚಿಕೆಯಲ್ಲ.

ಎರಡು ಬಗೆಯ ಸಂಕೇತಗಳು

ಗ್ರಾಹಕರೊಬ್ಬರೊಂದಿಗೆ ಕುಳಿತಾಗ, ನಾವು ಎರಡು ವಿಷಯಗಳಿಗೆ ಕಿವಿಗೊಡುತ್ತೇವೆ:

• ಅತೃಪ್ತಿ — ಇನ್ನು ನಿಮ್ಮಿಂದ ಸಹಿಸಲಾಗದ್ದು. ನಿಮ್ಮನ್ನು ಬರಿದುಮಾಡುವ ಸಭೆ. ನೀವು ಮೀರಿ ಬೆಳೆದಿರುವ ಪಾತ್ರ. ನಿಮ್ಮನ್ನು ನೀವೇ ಕೊನೆಗಿಡುವ ರೀತಿ.
• ಹಂಬಲ — ನೀವು ಒಳಗೊಳಗೇ ಸದ್ದಿಲ್ಲದೆ ಹಂಬಲಿಸುವುದು. ಇನ್ನಷ್ಟು ಅರ್ಥ. ಇನ್ನಷ್ಟು ವಿಶ್ರಾಂತಿ. ನಿಜವಾಗಿಯೂ ನಿಮ್ಮದೇ ಎನಿಸುವ ಒಂದು ಕೆಲಸ.

ಯಾವುದರಿಂದ ದೂರ ಸರಿಯಬೇಕು ಎಂಬುದನ್ನು ಅತೃಪ್ತಿ ಹೇಳುತ್ತದೆ. ಯಾವುದರತ್ತ ಸಾಗಬೇಕು ಎಂಬುದನ್ನು ಹಂಬಲ ಹೇಳುತ್ತದೆ. ನಿಮ್ಮ ದಿಕ್ಕನ್ನು ಕಂಡುಕೊಳ್ಳಲು ಎರಡೂ ಬೇಕು.

ಇಂದು ರಾತ್ರಿಯೇ ಇದನ್ನು ಪ್ರಯತ್ನಿಸಿ

ಒಂದು ಕಾಗದ ತೆಗೆದುಕೊಂಡು ನಡುವೆ ಒಂದು ಗೆರೆ ಎಳೆಯಿರಿ. ಎಡಕ್ಕೆ “ನನಗೆ ಸಾಕಾಗಿಹೋಗಿರುವುದು” ಎಂದು ಬರೆಯಿರಿ. ಬಲಕ್ಕೆ “ನಾನು ಹಂಬಲಿಸುವುದು.” ಪ್ರಾಮಾಣಿಕವಾದ ಹತ್ತು ನಿಮಿಷಗಳನ್ನು ನಿಮಗೆ ನೀವೇ ಕೊಟ್ಟುಕೊಳ್ಳಿ.

ನಂತರ, ಆತ್ಮೀಯ ಗೆಳತಿಯೊಬ್ಬಳು ಬರೆದದ್ದೋ ಎಂಬಂತೆ, ಅದನ್ನು ನಿಧಾನವಾಗಿ ಮತ್ತೆ ಓದಿ. ಅವಳಿಗಾಗಿ ನೀವು ಏನನ್ನು ಬಯಸುತ್ತೀರಿ?

ಕ್ಲಾರಿಟಿ ಕಾಲ್‌ನಲ್ಲಿ ಇದರ ಬಗ್ಗೆ ಮಾತನಾಡೋಣ